कांग्रेसले रुख चिन्हमा सातै छाप मत मागेपछि पाँचखालमा गठबन्धनभित्र बबाल



२७ वैशाख, काभ्रेपलाञ्चाेक/ पाँचखाल नगरपालिकामा गठबन्धन गरेका नेपाली कांग्रेस र नेकमा माओवादी केन्द्रबीच मनमुटाव उत्पन्न भएको छ ।
पाँचखालमा नगर प्रमुख पदमा कांग्रेस र उपप्रमुख पदमा माओवादीले गठबन्धन गरेर उम्मेदवार उठाएका छन् । तर मत बदर हुने डरले नेपाली कांग्रेसले सातवटै छाप आफ्नै पार्टीको चुनाव चिन्हमा हाल्न कार्यकर्तालाई सर्कुलर गरेको हो ।
स्थानीयत हमा गठबन्धन हुँदा मतदान कसरी गर्ने भन्नेमा यसपटक अन्योल देखिएको छ । जसका कारण मत बदर हुने भय गठबन्धन आवद्ध दलमा देखिएको हो । नगर प्रमुखमा कांग्रेसलाई मत दिएर फेरि उपप्रमुख माओवादीलाई मत दिँदा मतदाता झुक्किने डरले कांग्रेसले उपप्रमुखमा पनि रुख मै मत हाल्न सिकाइरहेको छ । यसले पाँचखालमा रहेका माओवादीका नेता कार्यकर्ता भने आक्रोशित बनेका छन् । नाम गठवन्धनको लिने अनि चुनाव माओवादीको साथले जित्न खोज्ने र माओवादीका उम्मेदवारलाई हराउने रणनीति लिएको उनीहरुको आरोप छ ।
पाँचखालमा नगर प्रमुख पदमा कांग्रेसबाट महेश खरेल उम्मेदवार बनेका छन् भने माओवादी केन्द्रले पाँचखालमा चेतप्रसाद गौतमलाई उम्मेदवार बनाएको छ ।

प्रतिक्रिया दिनुहोस्