भूमी विधेयक जमिनदारको हितमा



काठमाडौं– भूमी सम्बन्धी विधेय २०७५ हदभन्दा बढी जग्गा ओगटने व्यवसायी लाभान्वित हुने गरी ल्याउन लागिएको खुलेको छ । उद्योग प्रतिष्ठान, कम्पनी र संस्थाका नाममा हदभन्दा बढी जग्गा ओगट्नेलाई प्रत्यक्ष फाइदा पुग्ने गरी कानून संशोधन गर्न लागिएको कान्तिपुर दैनिकले खबर छापेको छ ।

प्रतिनिधिसभाबाट पारित भई राष्ट्रिय सभामा विचाराधीन भूमिसम्बन्धी (आठौं संशोधन) विधेयकमा एक पटकका लागि हदभन्दा बढी जग्गा राख्न पाउने र त्यस्तो जग्गा बिक्रीवितरण गर्न दिने प्रावधान छ ।

राष्ट्रिय सभाले विधेयक हुबहु पारित गरेमा घुमाउरो बाटोबाट जग्गा ओगट्दै आएका व्यवसायी तथा जमिनदार प्रत्यक्ष लाभान्वित हुनेछन् । लाभान्विन हुनेको संख्या पहाड र हिमालमा भन्दा तराईमा बढी छ ।

प्रतिक्रिया दिनुहोस्